Rreth Gjeneratës
Gjeneratë e Zgjedhur lindi nga një thirrje në zemër — për të ndërtuar një hapësirë ku brezi i ri shqiptar të mund të afrohet më thellë me Fjalën e Perëndisë. Ky blog është një udhëtim përmes Shkrimit, ku çdo kapitull, mesazh dhe dëshmi kanë qëllim: të sjellin dritë, të japin shpresë dhe të forcojnë besimin.
Ne besojmë se çdo brez ka një zë, dhe ky brez është thirrur të qëndrojë mbi të vërtetën. Përmes leximit të Biblës, reflektimeve personale, studimeve biblike dhe përmbajtjes praktike, synojmë të nxisim një jetë të thelluar në besim dhe dashuri për Zotin.
Ky blog është për ty — për ata që kërkojnë, që besojnë, që luftojnë dhe që duan më shumë nga jeta shpirtërore. Nuk kemi të gjitha përgjigjet, por kemi dëshirën për t’u rritur bashkë, në të njëjtin drejtim: më afër Krishtit.
“Ju jeni një brez i zgjedhur, një priftëri mbretërore, një komb i shenjtë…”
1 Pjetrit 2:9
Nëse ndihesh i/e frymëzuar, i/e sfiduar ose thjesht kurioz/e, të ftojmë të bashkohesh me ne në këtë rrugëtim. Shfleto, studio, dhe bëhu pjesë e kësaj gjenerate që zgjedh dritën përkundër errësirës.
Gjeneratë e Zgjedhur 